Në territorin e rrethit të Pçinjës për Covid-19 janë testuar 723 persona, me ç’rast u konfirmuan 224 raste, thuhet në raportin e fundit të Entit për mbrojtjen e shëndetit publik në Vranjë.
Në Vranjë janë regjistruar 151 raste të infektimit, pasuar nga Surdulica me 25, Vlladiçin Hani me 15, Bujanoci me 15, Presheva me 10, Tërgovishta me 4 dhe 2 të infektuar nga Bosilegradi.
Në Spitalet Kovid të QSH në Vranjë janë duke u trajtuar 12 pacientë, të gjithë pozitivë me Covid – 19 dhe me pneumoni, ndërsa 5 pacientë janë duke u trajtuar me oksigjen.Në 24 orët e fundit dy pacientë janë pranuar për trajtim spitalor dhe po aq janë liruar për trajtim në shtëpi.
